Kailash Parvat: Shiv Bhagwan Ka Pavitra Ghar

Kailash Parvat ko Shiv Bhagwan ka ghar mana jata hai. Yah parvat Tibet mein sthit hai aur isey duniya ke sabse pavitra parvaton mein ek maana jaata hai. Hindu dharm ke anusar, Bhagwan Shiv apni patni Maa Parvati ke saath Kailash parvat par virajmaan hain.

Kaha jata hai ki yahi se Shiv Bhagwan poore sansar ka niyantran karte hain. Unka roop yahan vairagya, shakti, aur shanti ka pratik hai. Kailash parvat ka varnan Puranon, jaise ki Shiv Purana, Skanda Purana, aur Ramayana, mein milta hai.

Kailash Parvat sirf Hindu dharm ke liye hi nahi, balki Bauddh, Jain, aur Bon dharmon ke liye bhi pavitra hai. Jain dharm ke anusar yah parvat Rishabhdev ji ka moksh sthal hai, aur Bauddh dharm ke anusar yah Demchok devta ka nivash sthal hai.

Kailash ke paas hi Manasarovar Tal sthit hai, jise pavitra jheel mana jata hai. Har saal hazaron bhakt Kailash Mansarovar Yatra karte hain, jisme log is parvat ke chaaron or parikrama karte hain — ise Kailash Parikrama kaha jata hai.